Nang manumpa ka bilang Punong Pilipino
Tanglaw ng pag-asa sa ami'y pinasilay mo
Paanyaya mo sa lahat ay walang maiiwan
Sa matuwid na daan, kami'y iyong tangan
Higit 'sang taon naluluklok ka sa upuang pinag-agawan
Wag sana makalimot na ang boss mo ay ang sambayan
Ipadama mo sa amin na kami ay iyo pang hawak-hawak
Balisa kasi ang marami pakiramdam tayo'y watak-watak
Panlalamang sa bayan nais mo'y bigyang hustisya
Mga maling gawain ng nakaraan sa iyo bumulaga
Sana'y magdahan at maging sigurado sa mga paratang
Pansin ko kasi ito'y paninisi lamang ng walang hanggan
Sa sunod mong limang taon sa upuan na iyan
Tuwid mong daan, ngayon ay aming sandigan
Diyos sa iyo ay pumatnubay, na sambayan ang iyong iuuna
O maging tulad ka lamang ng nakaraan na iyong hinuhusga
0 comments:
Post a Comment